Creagan air an cruthachadh an dèidh bunaitean Alba tighinn còmhla / Rocks formed after Scotland's foundations came together
Nuair a thàinig na bunaitean geòlasach aice còmhla, bha Alba deas air a' chrios-mheadhain. On uair sin, tha fòrsaichean gluasad mòr-thìreach air Alba a ghluasad gu tuath gu far a bheil e an-diugh. Rè an turais seo, tha sgeulachd Alba a' gabhail a-steach cuairt gun stad de bhleith agus de thasgadh grùide fhad 's a bha i a' gluasad gu tuath thairis air a' chrios-mheadhain.
B' e creag ghrùideach a bu mhotha a bha sa chreig a chaidh a chruthachadh aig an àm seo. Chaidh a dèanamh bho ghrùidean a chaidh a thasgadh ann an aibhnichean, lochan agus marannan. Bha an seòrsa creige a dheigheadh a chruthachadh aig àm sam bith (m.e rud sam bith bho chreag-ghainmhich agus creag-aoil gu gual) a rèir na h-àrainneachd a bh' ann an Alba aig an àm. Bha loch mhòr ri gnàth-shìde a bha an ìre bha tioram a' dèanamh ghrùidean eabarach làn de dh'iasg marbh. 'S iad sin a-nis na leacan a th' ann an Gallaibh, agus tha iad làn fhosailean iongantach. Bha a' ghnàth-shìde bruthainneach, tropaigeach nuair a bha Alba na laighe air a' chrios-mheadhain, agus dh'adhbharaich sin gun do chruinnich fillidhean tiugha de dh'fhàsmhorachd mharbh ann am boglaichean. Sin a-nis an gual a th' ann am Meadhan Alba.
Chaidh creagan bholcànach a chruthachadh cuideachd, an toiseach mar thoradh air sìneadh stèidhte ann am Meadhan Alba, ach an dèidh sin mar thoradh air stuth teth ag èirigh suas agus sìneadh co-cheangailte ri fosgladh a' Chuain Atlantaig a Tuath. 'S àbhaist gu bheil na creagan sin nas cruaidhe na creagan grùide, agus tha iad mar sin, glè thric, a' dèanamh bheanntan no sreathan bheanntan.
Permian gu Cretaceous Alba o chionn 299-65 millean bliadhna
Permian gu Cretaceous o chionn 299-65 millean bliadhna
Palaeogene agus Neogene Alba o chionn 65-2.6 millean bliadhna
Palaeogene agus Neogene o chionn 65-2.6 millean bliadhna
Ceanglaichean
Last updated on Wednesday 18th July 2012 at 14:47 PM. Cliog an seo airson beachd a thoirt air an duilleag seo